કોઈ લીલીછમ હવે અટકળ મળે,
ત્યાં સુધી પહોંચી જવાનું બળ મળે,
ક્યાં કહું છું કે મને પણ જળ મળે ?
શક્યતાથી ભર્યું કંઈ વાદળ મળે !
ભીતરે થોડી ઘણી સળવળ મળે,
એ પછીથી ડાળ પર કૂંપળ મળે,
આંગણામાં તુલસીનો ક્યારો સમજ,
સાંજના થોડી મને ઝળહળ મળે !
એટલું માંગુ હવે અંજળ “સુધીર”,
એ નહી તો એમનો કાગળ મળે !
- સુધીર પટેલ
શ્રી ભાવિન ગોહિલનો આભાર આ ગઝલ ટાઇપ કરીને મોકલવા માટે. (Thanks to Sureshbhai Jani and Bhavinbhai Gohil)